Immikkoortortat

Sinniisoqarfimmi Naalakkersuisoqarfiit assigiinngitsut aamma Aqutsisoqarfiit Nuummiitut assigiinngitsutigut sullinneqarput.


Siulittaasup Naalakkersuisoqarfia

Suliassat tulliullugit taaneqartut isumagineqartarput:

  • allaffimmi aqutsineq akisussaaffigalugu, kiisalu
  • nunamut namminermut suliassat immikkut ittut

Peqqinnissamut Pinaveersaartitsinermullu Aqutsisoqarfik

Makku suliarineqartarput:

Peqqissutsimut tunngasunik suliaqartartunik Kalaallit Nunaanni peqqinnissaqarfimmut sulisussarsiortarneq aalaakkaasumillu atorfeqarnissamut tunngasunik suliniuteqartarneq.


Inuussutissarsiornermut Nukissiuuteqarnermullu Naalakkersuisoqarfik

Naalakkersuisoqarfiup ataani sulisorineqartup inuussutissarsiornermut niuernermullu tunngassutillit sammisarai.


Avatangiisinut, Pinngortitamut Ilisimatusarnermullu Naalakkersuisoqarfik

Suliassat tulliullugit taaneqartut isumagineqartarput:

  • Nunani assigiinngitsuni uumassusillit assiginngisitaarnerut tunngasunut suliassat

Ilinniartitaanermut, kultureqarnermut ilageeqarnermullu naalakkersuisoqarfik

Suliassat tulliullugit taaneqartut isumagineqartarput:

  • Ilinniartitaanermut ilisimatusarnermullu attuumassutilinnik pisortat, suliffeqarfiit, inuussutissarsiortut inuuttaasullu saaffiginnissutaannik akissuteqartarnissaq
  • Danskit nunallu allat ilinniartitaanikkut ilisimatusarnikkullu oqartussaannut attaveqaataaneq
  • Naalakkersuisoqarfiup susassaqarfiani maleruagassiornermi ataqatigiissaarineq suleqataanerlu
  • Naalakkersuisoqarfiup susassaqarfiani maleruagassiat qanoq paasineqarnissaannik nassuiaaneq
  • Naalakkersuisoqarfiup susassaqarfiani inatsisilerinermi ikiuineq
  • UNESCO
  • Nunat Avannarliit Suleqatigiinnerat
  • Kalaallit Illuutaat

Akileraartarnermut Aqutsisoqarfik

Akileraartarnermut Aqutsisoqarfiup immikkoortortaata danskinut sulisitsisunut, danskit kalaallillu oqartussaannut kiisalu akileraartartunut kalaallit nunaanni akileraartarneq pillugu ilitsersuineq sulissinerlu isumagisaraa.

Akileraartarnermut Aqutsisoqarfiup nittartagaani ataani takuneqarsinnaasumi akileraartarnermut inatsisit aammalu akileraarutit, eqqussinermi akitsuutit il.il. ilitsersuutit assigiinngitsut inissisimapput.

Assersuutigalugu:

  • Kalaallit Nunaannut nuuttunut ilitsersuut
  • Ilinniagaqartut nunatsinneersut akileraarusersuiffigineqartarnerat
  • Nioqqutissat eqqussat akitsuuserneqartarneri pillugit paasissutissat
  • Nioqqutissanik eqqussanik Kalaallit Nunaanni akitsuutit pillugit

Akileraartarnermut Aqutsisoqarfik

Kalaallit Nunaannut nuuttunut ilitsersuut (qallunaatuinnaq pigineqarpoq)

Ilinniartut nunatsinneersut akileraarusersuiffigineqartarnerat (qallunaatuinnaq pigineqarpoq)


Aalisarnermut Piniarnermullu Naalakkersuisoqarfik

Aalisarnermut Nakkutilliivimmi atorfiliup naalakkersuisoqarfimmut suliarai EU-mi uppernarsaatinut aamma qarasaasiatigut suliassanut tunngasut.

Aalisarsinnaanermut Akuersissutinik Nakkutilliisoqarfik


Pinngortitaleriffik

Immikkoortortaqarfik misissuisuunernik marlunnik misissuisunillu pingasunik sulisoqarpoq kiisalu ilinniagaqartut assigiinngitsunik amerlassusillit tassaniittarlutik.

Nuummi Pinngortitaleriffiup qitiusumik allaffeqarfia suleqatigalugu Kalaallit Nunaanni arferit, aarrit, nannut timmissallu pillugit misissuinerit ingerlanneqartarput.

Sulianut sammisanut ilaapput:

  • Uumasunik miluumasunik imarmiunik timmisartumiit kisitsisarneq,
  • satellit atorlugu arfernik, aarrinik nannunillu sumiissusersuisarneq,
  • uumasunik miluumasunik imarmiunik utoqqaassusiliisarneq,
  • pinngortitaleriffiup misissuinerinut atatillugu GIS atorlugu suliaqarneq kiisalu
  • Kalaallit Nunaanni timmissanik imarmiunik misissuinerit
  • Immikkoortortaqarfiup isumagisaraa Kalaallit Nunaata NAMMCO-mi, IWC-mi aamma JCNB-mi ilaasortaaneranut atatillugu suliassat aammalu
  • uuliasiornermut atatillugu avatangiisit pillugit naliliisarnerni siunnersuisarneq.